Na vecia mura rosegada
ze torno inbrassada
da quatro cantoni
dove lā piassai,
sta altretanti torioni.
Muri grossi, ben inpiantai
int'el finir tuti smerlai.
Na tore granda granda,
se pol dir veneranda,
ga int'el mezo on oreojo
davero presioso!
Sonando
el bate le ore sensa pressa
ma co tanta finessa.
Sora la so schina,
on leon par sentā.
On leon proprio inbaucā:
Fermo fermo, chieto chieto
co do ale,
note e dė,
senpre spalancae!
Tonda tonda gira l'aqua
e nissun la strapassa.
Inamorada del so Castelo
cofā na mama del so putelo,
tuto lo specia, lo caressa
co amor e teneressa.